Introduction
Agar aap soch rahe hain ke IBAN number cheque book se kaisay maloom karein, tou aap bilkul sahi jagah par hain.
Kuch arsa pehlay mein online form fill kar raha tha jahan par account number aur IBAN ka option aaya. Mujhe thodi confusion hui ke in dono mein farq kya hota hai — aur mera exact account number konsa hai?
Mein ne apne bhai se poocha, jo banking ka thoda experience rakhta hai. Usne simple tareeqay se mujhe checkbook ka ek check dikhaya aur samjhaya ke uss par account aur IBAN number kahan par likha hota hai.
Tab mujhe khayal aaya — agar mujhe yeh baat itni asaani se samajh aa gayi, tou shayad mein dusron ko bhi simple tareeqay se yeh samjha sakta hoon.
Isi liye mein ne yeh blog likha — taake aap bhi sirf ek check dekh kar apna account number aur IBAN ghar baithe maloom kar saken.
✅ Khulasa:
Agar aap kisi Pakistani bank ke customer hain — jaise MCB, Allied Bank, NBP ya kisi aur — magar aapko apna account number ya IBAN nahi pata, tou yeh blog post aap ke liye likhi gayi hai. Sirf checkbook ka ek check dekh kar aap yeh maloomat asaani se hasil kar saktay hain.
❓ Yeh Maloomat Kyun Zaroori Hai?
- Paisay receive karne ke liye
- Online banking ya salary transfer ko activate karne ke liye
- Freelance payments aur international remittances ke liye
- Ghalat transfer se bachne ke liye
- Apni financial pehchaan ko behtar samajhne ke liye
📝 Bohat se log apna bank account to open kar lete hain, lekin account number ya IBAN unhein maloom nahi hota.
🌐 IBAN Number Cheque Book Se Kaisay Maloom Karein?
IBAN sa muraad International Bank Account Number hota ha.
- Apni checkbook ka ek check nikalein.
- Check ke \”Rupees\” wale section ke neeche dekhein.
- Wahan aapko aik alphanumeric string nazar aayegi — yeh aap ka IBAN hota hai.
📌 Example:
PK84MCBL1234567890123456
Yeh IBAN ka ek mukammal format hai.
🔍 Account Number Maloom Karna Ka Tariqa
IBAN ke aakhir ke 16 digits hi aapka account number hote hain.
📌 Misal:
PK84MCBL1234567890123456
→ Aakhri 16 numbers: 1234567890123456 = Account Number
🏦 Har Bank ka Mukhtasir Tareeqa
Pakistan mein zyada tar banks ka Account Number or IBAN ka format checks par taqreeban aik jaisa hota hai:
- ✅ MCB
- ✅ Allied Bank
- ✅ NBP
❗ Lekin kuch banks ka cheques mein Account Number aur IBAN ka format mukhtalif hota hai.
Aise mein:
- Checkbook ko le kar bank branch mein jaayein aur unsa pata karein
- Ya bank ki helpline par call kar ke confirm karein
🎥 Video Dekh Kar Seekhna Pasand Hai?
Agar aapko visual guidance pasand hai tou neeche di gayi video zaroor dekhein.
📺 YouTube par yeh video dekhna chahte hain? Neeche diye gaye link par click ya tap karein:
https://youtu.be/lnzBlV-TuwI
Image Credits:
Tamam tasaveer jo is post mein istemal ki gayi hain woh Saad Zaman Tanoli – Get Information and Knowledge ne banayi aur edit ki hain.
Note: Koi bhi brand ke naam ya logos jo nazar aa rahe hain woh un ke asal malikaan ki milkiyat hain, aur sirf taleemi maqsad ke liye yahan istemal kiye gaye hain.
❓ FAQs – Aksar Puchay Janay Wale Sawalat
Sawal 1: Agar checkbook nahi ho tou IBAN kaisay maloom karain?
Jawab: Online banking app, helpline ya direct bank visit se maloom kar saktay hain.
Sawal 2: IBAN number kya hota hai?
Jawab: IBAN aik international format hota hai jo account number ka extended version hota hai, aur cross-border payments mein use hota hai.
Sawal 3: IBAN share karna safe hai?
Jawab: IBAN sirf paise receive karne ke liye share karna theek hai. Kabhi bhi OTP, PIN ya passwords share na karein.
Sawal 4: Check par sirf 8 ya 10 digits hon tou?
Jawab: Har bank ka layout mukhtalif hota hai. Aise mein bank se raabta karein.
Sawal 5: Local transfer ke liye IBAN zaroori hai?
Jawab: Aksar local transfer mein account number kaafi hota hai, lekin IBAN dena behtar hota hai accuracy ke liye.
🏁 Final Result:
Aap ab asaani se apna:
- ✅ Account Number (16-digit)
- ✅ IBAN (24-characters)
checkbook ke zariye ghar baithe maloom kar saktay hain — kisi bank branch jaane ki zarurat nahi.
📌 Nateeja (Conclusion)
Is blog mein aap ne yeh seekha ke:
- ✅ IBAN number cheque par kahan likha hota hai.
- ✅ Cheque ki madad se account number kaisa maloom kar saktay hain.
- ✅ Agar cheque par Account Number aur IBAN ka format mukhtalif ho tou bank se kis tarah madad lein.
📌 Yeh Helpful Guides Bhi Dekhein:
- Fix CfExecute DLL Error in Windows
- Photoshop Editable Layer Error Ka Hal
- Infinix Phone Ka Sound Problem
Kya aapke paas koi sawal ya feedback hai?
Agar aapko ye guide madadgar lagi ho ya aapka koi sawal hai, tou neeche comment zaroor karein. Aapka feedback humein behtar content banane mein madad deta hai.